Sekulako maila ematen ari da Mondrate denboraldi honetan, eta aurkariei oso aukera gutxi ematen dizkiete arrasatearrek. Horren beste adibide bat izan da gaurkoa ere. Lehenengo minutuetatik, defentsan sendo eta erasoan eraginkor aritu dira Jon Zabalarenak, eta bukaerako emaitzak zalantza gutxi uzten ditu: 11-0.
"Azkenaldian oso ondo ateratzen zaizkigu gauzak, oso ondo jokatzen ari gara. Azken batean, gure helburua mailaz igotzea da eta horretarako etengabe hobetzen joan behar gara. Oraingoz, hala izaten ari da, eta oso pozik gaude", adierazi du Jokin Zeziaga Mondrateko jokalariak.
Aurkariak, Zeziagak azaldu duenez, ez du bere egunik onena eduki. "Talde ona daukate eta ez dute merezi sailkapenean hain behean egoterik. Gaurkoari dagokionez, markagailuak ez du benetan islatu partiduan eman duten maila, baina gureak sartu egin dira".
Sailkapeneko liderrak izan arren, Zeziagak dio denboraldia amaitu arren ez diotela horri begiratuko. "Hurrengo partiduari bakarrik begiratzen diogu orain", azpimarratu du.
