Pandemiak galarazi egingo du Arrasate Musikaleko kideek Aratusteetan mozorroturik eman ohi duten kontzertua, baina egungo egoerara moldatutako emanaldia eskainiko dute Amaia antzokian elkarteko zazpi taldek: Jurasiko's, Junior's, Senior's, Izan Suzuki, Haize Egur taldea, Metal taldea eta Banda taldea igoko dira oholtzara, zehazki.
Hilaren 12an izango da kontzertua, 18:30ean hasita. Elkarteko kide Edorta Aiastuik aurreratu duenez, "musikariak, oihalaren beste aldean itxaron ordez, butaketan jarrita egongo dira, harik eta oholtzara igotzen diren arte". Taldeen kontzertua deitu diote ikuskizun horri, Aratusteekin inolako loturarik izan ez dezan.
Musikari bakoitzari bi gonbidapen banatu dizkiete Arrasate Musikalekoek, "behintzat gurasoak aukera izan dezaten beraien seme-alabak ikusteko". Gainontzeko sarrerak kontzertuko egun berean jarriko dira Amaia Antzokiko leihatilan, 17:30etatik aurrera, agortu arte. Sarrera dohainekoa da.
