Aipatutako dirulaguntza zuzenez gain, COVID-19 pandemiagatik 2020an ostalaritza eta bestelako aktibitateek kalean jarritako terrazetan zerbitzua emateko beharrezko diren inbertsioetan laguntzak eskaini ditu Udalak; 2021ean bigarren deialdi bat zabalduko dute. Era berean, 2021ean jarraipena izango dute ere ur eta zabor tasaren gainean 2020an ezarritako hobariek eta baita terrazen kuotaren hobariek eta terrazen azaleraren zabalpenak ere.
"Kontziente gara ostalaritzaren sektorea bizitzen ari den egoeraz. Badakigu taberna eta jatetxeen itxialdiak kalte handiak eragin dituela eta dirulaguntza hauekin, beste erakundeen laguntzekin osagarriak izan direnak, eragin hori leuntzea izan dugu helburu" azaldu dute udal iturriek.
