Arrasateko Udalak, urtero moduan, 2020an Gidabaimena euskaraz programaren barruan parte hartu zutenen artean zozketa egin du, eta Ane Regodesebes izan da saritua. Arrasateko Udalak azterketaren kostua itzuliko dio, beraz.
Debagoieneko Mankomunitateak eta bailarako euskara zerbitzuek egindako lanari esker, autoeskolen eskura jarri zen 2009an azterketa teorikoa euskaraz lortzeko materiala: teoria orokorreko eskuliburua, internet bidezko testak, multimedia programa, autoeskolan eduki beharreko panel informatibo elebidunak eta terminologia hiztegia, zehazki.
Ekimen horri bultzada emateko sustapen kanpaina egiten du urtero Arrasateko Udalak, udaberri aldera, ikastetxeetan eta autoeskoletan, Arrasateko herritarrak gidabaimena euskaraz ateratzera animatzeko.
