Carlos Sanchezek garaipena lortu du seniorren kumitean (+75 kg). Era berean, katan, laugarren sailkatu da, brontzezko domina gertu eduki arren –0,4 puntugatik ez du lortu–.
Iosu Madinabeitiak, berriz, bigarren egin du seniorren kumitean (-67 kg). Azken segundoetan egin dio ihes garaipenak (2-1).
Aitor Lasagabaster hirugarren sailkatu da senior mailako gizonezkoen katan –bere lehen txapelketa izan da kategoria horretan–.
"Txapelketa bariko hainbat hilabeteren ostean, erritmoa hartzen joateko balio izan digu txapelketa honek, eta datozenei begira jartzeko ere bai. Sentsazio onekin itzuli gara, baina badugu lana egiteko oraindik", azaldu du Sanchezek.
