Gazteak, zentroko furgoneta bat hartuta, abiadura handian egin zuen ihes (170 km/h-ko abiadurara iritsi zen), eta autobidean, Zarauzko eta Bergarako ordainlekuko hesiak gainditu zituen, horiek hautsiz. Ertzaintzak Arrasate parean geldiarazi zuen ibilgailua, eta lapurtutako dirua, bihurkin bat eta hiru telefono mugikor aurkitu zizkioten gazteari. Atxilotua ertzain-etxera eraman zuten eta gaur goizean Donostiako Adingabeen Fiskaltzaren esku utzi dute.