Era berean, zuzendaritzak azaldu du astero-astero entrenatu direla osasun egoerak ahalbidu duen bitartean. "Ligak martxan jarriz gero, saiatuko gara jokalariei lehiatzeko aukera ematen", gaineratu dute zuzendaritzatik. Hala, ohi moduan, lansaioak martitzen eta eguenetan egingo dituzte, Mojategin: 16 eta 14 urtez azpikoak 17:30ean hasita, eta senior eta 18 urtez azpikoak, aldiz, 1930ean. Nesken taldea, aldiz, astelehen eta eguaztenetan entrenatuko da, 19:30ean hasita. Azkenik, eskola kirola eta errugbi inklusiboko saioak domeketan egingo dituzte.
Talde nagusiak otsailaren 7an du hurrengo partidua
Arrasatearrek Euskal Ligako bigarren jardunaldiaren baitan Errioxan jokatu beharreko partidua atzeratu egin dute, hango Gobernuak oraindik ez duelako kirol jarduerak egiteko baimenik eman. Gainera, hirugarren jardunaldian atsedena izango du Kanpanzar Arrasate-Ordiziak era otsailaren 7ra arte ez du berriro lehiatuko. "Sarrailagileek eta goierritarrek Uni Bilbo hartuko dute Mojategin 4. jardunaldian eta, bertan, ikasturteko aurreneko garaipena bilatuko dute".