Langile kopuruaren araberako dirulaguntza zuzen hauek helburu dute Arrasateko ostalaritza zerbitzua diruz laguntzea,
jarduerari eusteko eta establezimenduen itxiera saihesteko:
- 1.000 euroko diru-laguntza zuzena itxita egondako hilabete bakoitzeko 0-3 langile artean dituzten ostalaritza saltokiei.
- 1.200 euroko diru-laguntza zuzena itxita egondako hilabete bakoitzeko 4-6 langile artean dituzten ostalaritza saltokiei.
- 1.400 euroko diru-laguntza zuzena itxita egondako hilabete bakoitzeko 7 langile edo gehiago dituzten ostalaritza saltokiei.
Aplikazio epea izango da 2020ko azaroaren 6tik 2021eko urtarrilaren 5era; beraz, bi hilabeteri dagokion dirulaguntzak izango dira. "Ordainketa bakar batean ordainduko da dirulaguntzaren zenbatekoa", azaldu du Udal Gobernuak. Hala, urtarrilaren 25etik aurrera egingo ditu Udalak ebazpenak.