Esan moduan, seme-alaben adinaren arabera, hiru taldetan banatuko dituzte gurasoak: 0-5 urte, 6-12 urte eta 13-18 urte.
Saioen helburua, Udalaren esanetan, gurasoak haien eta seme-alaben emozioei arreta jartzen trebatzea da, "hauek identifikatu eta hauei lotutako portaerak ulertzeko". Modu horretan, seme-alaben heziketa prozesuan familian ematen diren egoera emozional ezberdinak kudeatzen ikasteko tailerrak izango dira.
Hainbat eduki landuko dituzte, hala nola, emozioak zer diren, zein funtzio dituzten, zertara bultzatzen gaituzten emozioek, kudeaketa emozionala, haur eta nerabeek emozioak nola bizi dituzten eta gure seme-alaben bidelagun emozionalak izateko baliabideak zeintzuk diren. Informazio gehiagorako, deitu BAZ-era (943 25 20 00) edo Gizarte Zerbitzuetara (943 25 20 07).
