Euskarak harrera linguistikoan zein toki behar luke? Nola kudeatu bertako hizkuntza minorizatua, erdara hegemonikoak eta hizkuntza aniztasuna? Zein ikuspegirekin? Aurtengo Topaldian galdera horiek erantzuten saiatuko dira.
Horretarako, hizkuntza gutxituek eta euskarak harrera prozesuetan duten garrantzia aztertuko dute eta herri ezberdinek eredugarri dituzten proiektu eta praktika onak partekatuko dituzte. Hainbat aditu izango dira jardunaldietan besteak beste, Jasone Giraldo, Ekin Emakumeak euskara elkarteko kidea. Urtarrilaren 18an Bilboko Bizkaia Aretoan burutuko da jardunaldia eta izena emateko aukera urtarrilaren 18ra arte edo aretoko edukiera bete arte egongo da.