Panoli Kabareta izeneko ikuskizuna egongo da ikusgai, zapatuan, hilaren 19an, 18:00etan, Biteriko Gabonetako karpan. Gorka Gansoren eta Cecilia Paganiniren GANSO&Cia konpainiaren emanaldia da. Sarrerak Ibar Arteren webgunean egon dira salgai, baina agortuta daude dagoeneko.
Zirku ikuskizunen parodia da Panoli Kabareta. Umorea du ardatz, eta ikusle guztientzako modukoa da. GANSO&Cia konpainiaren eta Cecilia Paganiniren ikuskizunen eszena onenetakoak izango ditu emanaldiak abiapuntu moduan. 45 minutuko kale ikuskizuna izango da zapatuan Biteriko karpan eskainiko dutena, testurik gabekoa.
GANSO&Cia-ko partaideek klowna dute sortzeko erreferentzia moduan. Gizatasunez beteriko pertsonaien bitartez, publikoak bere burua islatuta ikustea bilatzen dute konpainia horretako artistek.