Aurten arte, Santamas feria dela-eta, ez da sekula hirugarren zapatuetako azokarik egin abenduan; baserritarrei oso gertu geratzen baitzitzaizkien bi datak. Aurten, ordea, ez da Santamas feria egingo, eta hilaren 19an ohiko azoka izango da plazan.
Aurreratu dute ohiko ekoizleez gain, hiruzpalau postu gehiago ere egongo direla, gonbidapena egin dietelako Arrasteko beste baserritarrei ere. Eta ekintza osagarririk egongo ez bada ere, zenbait otar banatuko dituzte zozketa bidez: Eusko Label produktuena, azokako produktuenak eta hileroko otarra.
Barazkiak, ogia, eztia eta beste hainbat produktu izango dira azokan, 9:00etatik 14:00etara. Herritarrei gerturatzeko gonbidapena egin diete eta datozen ospakizun egunetan kalitatezko jakiez gozatzeko aukera zabaldu.
