Irailean Emakume Txokoak es-kaini zuen boxeo ikastaroan apuntatzeko edukiera mugatua zegoela-eta, AGAKOko kideek euren ikastaro propioa antolatzea erabaki dute, jende gehiagok parte hartu ahal izateko.
Neskabox taldeko Ixa Rodriguez boxeolariak emango ditu bi ikastarook, nahiz eta elkarren artean desberdinak izan: "Emakume Txokoko saioak terapia ikuspegitik antolatu dituzten bitartean, guk partaideekin batera erabakiko dugu ze zentzu eman nahi diogun ikastaroari", adierazi du Laura Buenok, AGAKOko kideak.
Boxeoa ikasi nahi duten hogei pertsonak jasoko dute zerbitzu hori, "normalean gaztetxera hurbiltzen ez diren zenbait gaztek" barne.
Bide batez, gaur hasiko dira AGAKOren 30. urteurreneko ekitaldiak, hiesaren inguruko dokumental batekin, eta 2021ean zehar ere izango dira ekintzak.