Bergarako Auzitegiak 2016ko abenduan baliogabetzat jo zuen bazkideak aurrezki-erakundearekin sinatutako kontratua, baina epai hori hurrengo urteko ekainean baliogabetu zuen Gipuzkoako Auzitegiak. Auzitegi Probintzialeko Bigarren Sekzioak argudiatu zuen kooperatibistak "produktua, arriskuak eta ezaugarriak" ezagutu behar zituela, bera "bazkidea zelako", baina demandatzailearen arabera, ez zioten "arriskuen berri" eman.
Orain, berriz, Auzitegi Gorenak adierazi du prozeduran frogatuta geratu dela Laboral Kutxak ez zuela behar beste informazio eman produktu finantzaria ezagutzeko, eta hortaz, bankuak dirua itzuli beharko dio demandatzaileari.