Edurne Begiristain Berriako kazetariak aurkeztu du ekitaldia eta bertan izan dira, saridunekin batera, Rober Gutiérrez Bai Euskarari Elkartearen zuzendaria eta Lexuri Ugarte Arabako Foru Aldundiko Euskara eta Gobernu Irekiko zuzendaria. Arabako alor soziekonomikoan euskararen alde egindako lanaren errekonozimendua gisa banatu dituzte 2020 Lazarraga Sariak eta irabazleetako bat Bertako Igogailuak enpresa izan da. Igogailuen mantentze lanetan espezialistak dira, Arrasaten dute egoitzetako bat eta ibilbide luzeko enpresa da. Honekin batera, ARTgia Sorgune Aretoa, ASASAM elkartea, Uriarte Industrial eta Museo del Órgano jatetxe begetarianoa izan dira saridunak.
