Jasangarriagoa, gozoagoa… zoriontsuagoa! lelopean, Black Arrasate izeneko egitasmoa hasi zuten atzo, Arrasaten, Ibai-Arteko merkatariek. Herritarrek hausnartzeko, kontsumo arduratsua eta tokikoa sustatzeko eta gehien behar dutenei laguntzeko, erosketa baten truke Harreman dendako txokolate tableta bat oparitzen uten herriko merkatariek. Horren aurrean, "egitasmoak oso harrera ona" izan duela adierazi du Ibai-arteko presidente Jon Apraizek.
"Atzoko eguna oso ona izan zen eta kanpaina ere gustukoa izan dela herritarren artean esango nuke. Izan ere, bertan egindako erosketekin txokolate tableta oparitzea ideia ona izan da. Gainera, Harremaneko txokolatea, ez da nolanahikoa gainera, etxekoekin konpartitzeko opari gisa izateak balore gehiago du. Guztira, 3.000 txokolate tableta erosi ditugu banatzeko eta astelehenerako guztiak saltzea oso ondo legoke", adierazi du Apraizek.
Txokolate guztia bukatu arte, martxan
Harreman GKE eta Harreman Dendarekin lankidetzan, Ibai-Arteko dendaren batean erosketa bat egiten duten guztiek, oparia jasotzen jarraituko dute –txokolate guztia agortu arte–. Hala, ekintza solidario baten parte egingo ditu herritarrak, eta gogoeta egitera gonbidatzeaz batera, gehien behar dutenei lagunduko die egitasmo honekin.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak