"Jendeari hegoak janzteko aukera eman gura nion", azaldu du Albesek. "Jolasteko aitzakia bat da soinekoa, baita birziklapenari eta berrerabilpenari garrantzia ematekoa ere".
Iazko erakusleihoan ipini zituen orain soinekoarenak diren hegoak, birziklatutako materialekin egindakoak. "Kendu nuenean pena handia eman zidan, lan handia hartu bainuen horiek egiten. Hala, pentsatu nuen, aurten beste erabilera bat emango niola. Gura nuen jendeari hegoak janzteko aukera ematea. Gorputz osoko ispilu batekin hasi nintzen probak egiten baina ez nengoen konforme. Hala, dendan daukadan maniki zahar bati soineko bat egitea pentsatu nuen. Goiena aldizkariak gordetzen hasi nintzen, eta familiakoei ere hala egiteko esan nien. 10 bat lortu nituenean hasi nintzen soinekoa egiten. Soinekoari ispilu txiki bat jarrita, jendeak soinekoa eta hegoak janzteko aukera dauka".