'IKTak eta aisialdi birtuala' solasaldia gaur, hainbat komunikatzaileren eskutik

Aiora Mujika youtuberra, solasaldiko hizlarietako bat. Argazkia: Youtube.

COVID-19 osteko agertokian euskalgintzak dituen erronkak zeintzuk diren aztertzeko helburuarekin antolatutako Txertoa.eus hitzaldi zikloaren baitan IKTen eta aisialdi birtualaren gainean gogoeta egingo dute gaur, abenduaren 1ean, Kulturateko areto nagusian (18:30). Streaming bidez ere jarraitu ahal izango da Goiena.eus bidez.

Honako lau hizlari izango dira solasaldian: Elhuyar taldeko Igor Leturia, AZK agentziako Olatz Artola, Game Erauntsia kolektiboko Maitane Junguitu eta Aiora Mujika euskal youtuberra.

AED, Ekin Emakumeak eta Txatxilipurdi dira antolatzaileak. Eta euskararen erabilera sustatzeko estrategikotzat jotzen diren eremuetan aurrera egiteko irtenbideak arakatu guran antolatu dute zikloa. Aurretik egindako solasaldian, arlo sozio-ekonomikoa eta hezkuntza izan zituzten hizpide Mondragon Unibertsitateko Hezkuntza Zientzien Fakultateko eta Fagor taldeko ordezkariekin eta Euskaltzaleen Topaguneko lehendakari Kike Amonarrizekin.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.