Abenduaren 12an Oreretan egingo dituzten topaketa feministetara begira, aurkezpen saioa antolatu du Arrasateko Bilgune Feministak hilaren 5erako. Gaztetxean egingo dute, 11:00etan hasita. "Topaketetarako aurrelanketa gisa balioko duen arren, interesa izan dezakeen bailarako emakume oro saioan parte hartzera ongi etorria izango da".
Aurkezpen saioan parte hartzeko izen-ematea zabalik dute jadanik, eta hemen egin daiteke. Bailara osoko emakumeak gonbidatuta daudenez, inork bere bizilekutik Arrasatera etortzeko ziurtagiria beharko balu, arrasatekobf@gmail.com helbide elektronikora idaztera animatu dituzte.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.