Garai Berriak hautagaitzako buru Manu Diazek baieztatu egin du astelehenean bi aldeak batzartu egin zirela. Gehitu du "bilera pribatu bat" izan zela eta hori pentsara filtratu ostean bigarren bilera bertan behera uztea erabaki zutela asteazkenean, "konfiantza girorik ez dagoelako".
Denon Joko-zelaia hautagaitzako buru Adrian Merinok ere asteleheneko batzarra egin zela baieztatu du. "Reala Federazioko parte denez, ez genuen begi onekin ikusten epaile rola hartu nahi izatea; baina gure hautagaitza beti egon da negoziatzeko prest, eta bileran parte hartu genuen. Ostean, bertan landutakoak prentsara filtratu ziren, eta, hori ikusita, Jokin Aperribay presidenteak bigarren bilera ez egitea erabaki zuen".
Gauzak horrela, hauteskunde bidez erabaki beharko da Federazioko zuzendaritza nork hartuko duen. Berez, azaroaren 23a zen botazioa egiteko eguna, baina pandemiaren eraginez atzeratzea erabaki zuten, eta une honetan ez dago datarik zehaztuta.