Ertzaintzak azaldu duenez, zapatuko 20:00ak inguru jaso zuen gertakariaren abisua, eta lekura iristean emakumea aurpegian zaurituta topatu zuten. Azaldu dutenez, hark adierazi zuen gazte batek indarrez egin ziola tira zorrotik, lapurtu eta ihes egin zuen arte. Tirabiraren ondorioz, gainera, emakumea lurrera erori zen, eta Debagoieneko Ospitalera eraman zuten anbulantzian zauriak artatzera.
Ustezko lapurrari telefono mugikorra eta txartel bat erori zitzaizkion lapurreta egin zuen tokian, eta horiek baliatuta atxilotu ahal izan zuen Ertzaintzak beranduago, Arrasaten bertan.