"Konfiantza dugu COVID-19aren txertoa 2021ko apirila eta maiatza artean heltzeko"

Estibaliz Goienetxea, Gipuzkoako Botikarien Elkargoko zuzendari teknikoa. (Argazkia: Gipuzkoako Botikarien Elkargoa)

Gipuzkoako Botikarien Elkargoko zuzendari tekniko Estibaliz Goienetxeren hitzak dira. Azaldu duenez, lehen dosiak ospitaleetan txertatze kanpainak egiteko erabiliko dira, pertsona zaurgarrienekin; eta, horren ostean helduko dira botiketara. 

Eguaztenean akordio sinatu zuten Europar Batasunak eta Pfizer etxeak, COVID-19aren aurkako 300 milioi dosi saltzeko. Kanpo ikerketan baten arabera, %90eko eraginkortasuna du Pfizer-en txertoak, eta Goienetxek dio ratio oso ona dela: "Gaixotasun berri bat izateko %90eko eraginkortasun maila edukitzea, kontuan hartzeko moduko ratioa da. %10eko marjina hori, gainera, aurrerago hobetzeko tartea ere izango da". 

Farmazia alorreko beste multinazional batzuen txertoak azalduko ote diren galdetuta, zera erantzun du: "Baietz uste dut; hiru edo lau enpresarenak izango ditugu ziur aski, gripearen txertoekin bezala".

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.