Lehiaketako baldintzei dagokienez, aurrez beste inon argitaratu gabeko argazkia izan beharko da eta argazkiak oinarrizko eskubide eta askatasunekin koherentea izan beharko du, pertsonen duintasuna eta adin txikikoen eskubideak errespetatuz. Horrez gain, indarrean den araudia bete beharko du. "Hortaz, ezin dira urratu hirugarrenen eskubideak, bereziki jabetza intelektualarena, ohorearena, pertsonaren eta familiaren intimitatearena eta norberaren irudiarena, ezta hirugarrenen datu pertsonalen erabilerari dagokiona ere".
Parte hartzeko, bi fitxategi bidali beharko dira: bata argazkiarekin eta bestea parte-hartzailearen datu pertsonalekin (izen-abizenak, telefonoa, posta-helbidea, helbide elektronikoa eta adina). Halaber, parte-hartzaile bat baino gehiago dagoen adierazi beharko da.
Argazkiak jpg, jpeg edo png formatuan aurkeztu beharko dira, eta posta elektronikoz bidali kulturate@arrasate.eus helbidera.
Lehiaketan parte hartzeko epea abenduaren 15ean bukatuko da. Sariari dagokionez, 150 euroko opari txartela izango da, Elkar liburudendan erosteko.
Informazio gehiago, hemen.