Abestiaren sortzaileek azaldu dute "aspalditik" izan dutela Gaba Baltzerako abesti eta bideo bat sortzeko gogoa. "Aurten, urteroko arimen biltzarra burutzeko aukerarik egon ez dela ikusirik eta batzordean piztutako nahi eta gogoetatik abiatuta, abesti eta bideoa sortzeko ideai okurritu zitzaigun". Bide batez, herriari egiten dioten oparia ere badela uste dute, "guztiok goza dezagun". Era berean, "aurrera begirako urteetan ere erabiltzeko aukera ematen digun baliabide polit bat da".
Abestiaren letra:
Nor da nor?
Ez dakigu.
Basotik bajatu,
Kalabazen argiak jarraitu.
Arbasoen argiak ilargi pean
Gaur batez bilduko dira arimak biltzarrean.
Hila eta bizia,
Lurraren mamia.
Gaur zu eta bihar ni,
bihurtuko gara ondorengoentzako hazia.
Dantza ezin aska,
Kanta ezin asma,
Eskean bagatoz,
Zuen kaletik barna,
Eman goxokitxo bana.
Arbasoen argia,
Ilargi pean,
Gau batez haien hatsa
Entzuten da mozorro atzean.
Argia eta iluna,
Gaua eta eguna,
Iritsi da uda guztien azkena.
