Kooltur Ostegunak ekimenaren bultzatzaileek hala azaldu dute komunikabideetara bidali duten oharrean: "Kooltur Ekintzak, egungo zailtasunen jakitun, Kooltur Ostegunen hamaikagarren denboraldia martxan jartzea erabaki genuen osasuna zaindu eta kultura segurua dela bermatuz. Kulturak ezin duela atzerapausorik izan uste dugu. Horretarako, hainbat berrikuntza eta moldaketa ezarri ditugu. Zoritxarrez, COVID19-aren inguruko neurriak gehiago gogortu dira eta, ondorioz, ezingo ditugu aste honetako Lie Detectors-en kontzertua zein epe laburrean lotuta genituenak aurrera eraman. Dena dela, egoera berrira egokitzeko moldaketa berriak aztertzen gabiltza eta gure asmoa da lehenbailehen programazioa berrartzea".
Kooltur Ostegunak programazioa, oraingoz etenda
COVID19aren inguruko neurriak gogortu egin dira eta, ondorioz, Kooltur Ekintza taldeak antolatzen duen eguenetako kontzertuetan eragina izango du; bihar, urriaren 29an, Donostiako Lie Detectors taldearen kontzerturik ez da egingo eta ekimenaren bultzatzaileak irtenbide berriak aztertzen ari dira epe laburrean lotuta zituztenak aurrera eraman ahal izateko.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
