Ostegun honetan, hilak 22, Iban Urizarrek labetik atera berri duen Bat edo hiru lana aurkeztuko du Arrasateko Gaztetxean, Kooltur Ostegunak ekimenaren baitan.
Elgoibartarra Amorante izeneko alter egoan bilakatzen da oholtza gainean. Kooltur-eko antolatzaileen esanetan, "bere abestiek doinu tradizionalak arakatzen dituzte, buelta eman eta beste koordenada oso urrunetara eramanez, esperimentatuz, disfrutatuz eta gu geu konplize bilakatuz".