Bitik bi irabazi ditu Ointxe! taldeak. Denboraldiko hirugarren jardunaldia jokatu bada ere, eurendako bigarren partidua izan da, Maritxu Kajoi ez-jaien asteburuan bertan behera gelditu baitzen euren partidua. Unai Ibarra entrenatzaileak defentsan egindako lan ona azpimarratu du. "Erasoan ez gara horren ondo ibili baina defentsan eta talde lanean egindakoari esker konpondu ditugu minutu kaskar horiek", azaldu du.
Pozik azaldu da orain arteko bi partiduak irabazi izanagatik, baina, denboraldi gogorra izango dela badaki. "Aurkari gogorrak eta oso fisikoak izango ditugu eta horrek mentalki ere asko eskatuko ditu. Hala ere, partiduz partidu joango gara aurre egiten".