Victimas Club taldeak rock doinuak ekarri ditu Arrasatera

Hile honetan hasi da Kooltur Ostegunak musika zikloaren 11. denboraldia, eta atzo Victimas Club taldearen txanda izan zen. Formakuntza berriak oholtza lehen aldiz irailean zapaldu bazuen ere, estilo rockeroak eta bestelakoak tartekatzen eskarmentu handia duten musikariak direla erakutsi dute Arrasateko Gaztetxeko taula gainean.

Datozen asteetan ere kultura sustatzen jarraituko du Kooltur Ostegunak ekimenak; hala urriaren 22an Amorante bakarlaria igoko da Gaztetxeko oholtzara, eta urriaren 29an Lie Detectors-en txanda izango da.

Kooltur Ostegunak Goiena telebistan

Victimas Club taldearen kontzertua osorik eskainiko du Goiena telebistak urriaren 23an. Gainera, gaur, egubakoitza, pasa den asteko Raitx taldearen kontzertua pantaila txikian ikusteko aukera egongo da 23:00etan.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.