"Aurten, gainera, jasaten ari garen pandemia dela eta, Katxalin elkartea ezin izango da kaleetan egon bularreko minbiziaren aurkako ikerketaren alde egiten dituzten urteroko jarduerak gauzatzeko, eta elkarteari eusteko dirua biltzeko, besteak beste, ez dituzte Katxalin Kuestazioa eta Martxa aurrera eraman", diote. "Hori dela eta, Ibai-Arteko saltokietan itsulapikoak aurkituko dituzue lazo arrosen ondoan, nahi izanez gero dohaintza bat utzi eta Katxalini eta gaixotasunari aurre egiteko ikerketari laguntzeko".