Lau bertsolari lau pertsonaiaren istorioa hezur-mamituz

Bailarako bertsolariek azkenaldian ezin izan dute nahi beste plaza egin COVID-19aren ondorioz. Horregatik, Arrasateko gaztetxeko oholtza gainera gogotsu igo dira Ane Zuazubizkar, Haizea Arana, Oihana Arana eta Maider Arregi bertsolariak. Bakoitza pertsonaia baten barruan sartu eta bat-batekotasunaren magiaz, Maria Oses idazlearen fikziozko pertsonaiei bizia eman diote nork bere ukitu propioa erantsiz. Umorea eta jolasa lau emakume bertsolari iaioen eskutik. Martitzeneko Hemen Debagoiena saioan erreportajea ikusgai izango duzue.