Uztailean, Alemaniako Federazioaren erabakiz, Land bakoitzak bere ordezkariak aukeratzeko modua abiatu zuen herrialdeko txapelketa nagusira begira. Haizea Tornayren kasuan –18 urte baino gutxiago dituztenen kategorian– zuzenean aukeratu zuten, partidarik egin gabe. Hainbat arrazoi daude erabakiaren atzean; besteak beste, Hesseneko bigarrena da, Euskadiko Emakumezkoen Txapelketa Absolutoan laugarren izan zen eta Plovdiven (Bulgarian) ere emaitza onak lortu zituen.
Alemaniako 18 urtetik beherako 24 partehartzaile lehiatuko dira Willingenen. Tornay 11.a da ranking-ean, faborito nagusia Jana Schneider delarik. Dena den, Tornayren helburua "txapelketa ona" egitea da; izan ere, lorpen handitzat jo du 16 urterekin Alemaniako txapelketarako sailkatzea. Lehenengo partida urriaren 20an izango da, eta azkena, 25ean.
