Mondragon Unibertsitateak, Santurtzik, Easo Bodegas Mugak eta Ulacia Zarautzek jokatuko dute oraingo asteburuan EBA kategoriako Lauko Finala; torneoa Zarautzen jokatuko dute, domekan eta astelehenean. Kanporaketa faseari begiratuz gero, arrasatearrek aurreko bi urteotan Euskal Kopa irabazi izanagatik zuten faborito txartela galdu egin dute, zuri-moreak ez dira-eta fasera lider moduan sailkatu. "Presio gutxiago dugu horrela", dio Iñaki Ogara Arri-k. Izan ere, Santurtzi eta Easo dira bi partiduak irabazi dituztenak, eta kontuan izan behar da Zarautzek etxean jokatuko duela fase erabakigarria, baina MU ez da iazkoa baino talde makalagoa, inondik inora.
Santurtzi, kanporaketa zaila
Hala, asteleheneko norgehiagoka erabakigarrira iritsi aurretik, MUk Santurtziren kontra jokatu beharko du domekan (16:30), eta ikusteko dago Easoren eta Zarautzen artean nork egiten duen aurrera. Harmailetan 70 lagunendako tokia egongo da.