Iaz ere urriko azokan sagarraren bueltako ekintzak egin zituzten (sagarra dolarean zapaldu, zukua egin, askotariko sagarrak probatu, sagardoa dastatu…) baina egungo pandemia-egoera dela-eta, Arrasateko Udalak azaldu du urriaren 17ko azokan, ez dela horrelakorik egingo. Dena den, postu bat jarriko dute sagar barietate zabalarekin eta zuku eta marmeladekin. Gainera, antolatzaileen esanetan, hileroko otarraz gain, hamar lote zozkatuko dira sagarra protagonista duten produktuekin.
Sagar-ekoizleek azaldu dute "urte xelebrea" izan dela aurtengoa; izan ere, baserri gehienetan uzta eskasa jaso dute, baina eta banaka batzuetan, oso ona. Aurten, azokara joan ohi diren bailarako baserritarrek ez dute saltzeko beste sagar, eta Haristizabal baserriko (Ezkio-Itsaso) Eneko Solana izango da postua jarriko duena.
Bestetik, azokan, bestelako sasoiko produktuak ere egongo dira eskuragarri, eta baita ogia, gazta, eztia eta bestelakoak ere.
