Konponbide garaia da lelopean eta "atxilotuak askatzeko" deia eginda herritar ugari gerturatu dira "presoei babesa helarazi" eta "konponbidea exigitzeko" Arrasateko kaleetan zehar egindako mobilizaziora. Manifestazioaren atarian Sareko kideek eta Arkauzen gertukoek azaldu dutenez atxilotuek abokatuarekin hitz egiteko aukera izan dute gaur eta biharko egunean zehar epailearen aurretik pasako direla aurreikusten dute. "Atxilotuak aske lagatzea" ez den beste erabakirik ez dutela onartuko azaldu dute Saretik eta biharko ere manifestazioa deitu dute.