Gaur, martitzena, Seber Altube plazatik aterako da manifestazioa, 19:30ean, Konponbide garaia da, Kepa, Ekhiñe eta Imanol etxera! lelopean. Arkauzek gaur deklaratuko du Tres Cantoseko komandantzian eta bihar goizean pasako da epailearen aurretik.
Arkauzen senideek azaldu dutenez, Tres Cantoseko komandantzian dago arrasatearra, Madrilen, eta 16:00retan deklaratuko du hango Guardia Zibilen aurrean eta bihar, eguaztena, pasako da epailearen aurretik. "Momentuz ez dugu berri gehiago edukiko gaur arratsaldean abokatua eurekin egon arte", gaineratu dute senideek.