Benjamin mailako entrenamenduetan –2013 eta 2012 urteetan jaiotakoak–, korrika egiten ikasteaz gain, koordinazioa, lasterteka laburra, jauziak eta jolasak ere egingo dituzte, besteak beste.
Kimu mailan –2011 eta 2010 urteetan jaiotakoak–, koordinazio ariketak, lasterketa laburrak, askotariko saltoak, jaurtiketak eta sokara igoerak landuko dituzte ikasleek.
Infantil mailako atleten kasuan –2009 eta 2008–, aldiz, era askotako lasterketak, jauziak, heziak, jaurtiketak eta pertika-jauzia landuko dituzte, besteak beste.
Kadete eta gazte mailei dagokionez –2007-2004 artean jaiotakoak–, bakoitzaren ezaugarriak eta egun libreak kontuan izanik, entrenamendu zehatzak prestatuko ditu Arrasate Atletiko Taldeak.
Izen-ematea zabalik
Ate guztiak irekita dituztela azaldu dute, eta interesa duten herritar guztiei Mojategira hurbiltzeko gonbitea egin diete, atletismoa gertutik ezagutzeko. Informazio gehiagorako, 619 45 96 65 telefonora deitu.
