"1977ttik lelengo aldiz, urriko lelengo eguakotxien ez da ospakizunik egongo Arrasaten eta herrittar, eragile zein kuadrilei, egun horretan arduraz eta erantzunkizunez jokaketako eskatu gura dutzeu. Traje ta soineko dotoriek armaixuan isteko eguna izengo da aurtengua, zoritxarrez. Hori hola bada be, osasun eta baldintza sozialak beteten dien momentuen jaixa antolaketako konpromisua hartzen doula be adieraztia gureko geuke", azaldu du komisiñuak ohar bidez.
Modu horretan, zera gaineratu du: "Hurrengo Maritxu Kajoi lagun artien eta batera ospatzia bakunaik biheko ez dauen miraririk haundixena izengo da".
Txosnagunerik ere ez
Arrasateko Txosna Batzordeak ere jakinarazi du ez dela txosnagunerik egongo, ezta bestelako ekintzarik ere. "Dena dela, aurreraxeago, egoerak hobera egiten duenean, Txosna Batzordean parte hartzen dugun herri mugimenduok badugu asmoa, nahiz eta oraingoz ezin dugun datarik aurreratu, txosnagunearen eremuan jaialdi bat antolatzeko, bai Herri Mugimenduak bere ekimenetarako diru iturria berreskuratu dezan, bai jaialdi herrikoi bat antolatzeko ere, pandemiak utzi digun zapore mingotsa kentzen laguntzeko".
