"Altxamendu militarraren ondorioz eta diktaduran errepresio frankista jasan zuten pertsona guztiak" gogoratuko dituzte zapatuan, irailak 26, Jose Maria Arizmendiarrieta plazan, monolito parean, 12:00etan.
Lehenik eta behin, lore eskaintza egingo dute eta ondoren, Emakumeon Memoria 1937: Intxortatik Artxandara liburua aurkeztuko du Aiert Zubikarai gidoilari eta komikigileak.
Bestalde, segurtasun neurri guztiak betetzeko, aulkiak jarriko dituzte. Eguraldi txarra egin ezkero, berriz, liburuaren aurkezpena Kulturaten egingo dute. Intxorta 1937 kultur elkarteak antolatu du ekintza, Arrasateko Udalaren laguntzarekin.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.