Hamasei posturekin egin dute gaur hileroko baserritarren azoka Seber Altube plazan. Toki eta Garapen saileko eta Ingurumen saileko teknikari den Nerea Lazpiurrek azaldu duenez, "segurtasun neurri guztiak beteta" egin duten azokan "gustora" ibili dira gaur erosle eta saltzaileak: "Herritar ugari gerturatu da gaurkoa Seben Altubera, udako produktuen bila etorri dira batez ere, tomatea, piperrak,.."
Neurriak bete ahal izateko ekainaz geroztik espazioa handitu behar izan dutela ere azaldu du: "Lehengo postu kopuru bera mantendu dugu, 16-18 inguru, baina orain alde bakarrean soilik muntatzen dira postuak, segurtasun distantzia handituz". Hainbat herritan azokak bertan behera geratu direnez arrasatearrak "eskertuta" agertu direla zehaztu du:"Ekoizle asko azoketan saltzetik bizi dira eta herri askotan ezin dute orain produkturik salsu. Gauza bera gertatzen da erosleekin, orain ez dute baserriko hainbeste produktu erosteko aukera eta oso positiboki baloratu dute Arrasaten azoka mantentzea".