Espainiako atletismo txapelketak jokatu dira asteburuan Madrilen eta Arrasateko atletek askotariko emaitzak lortu dituzte. Malen Ruiz de Azua pertika jauzilariak bigarren egin du, 4,22 metroko jauzia egin ostean; Andrea San Jose txapeldunak 4,32 metroko langa gainditu du.
Maialen Axpek, berriz, ez du gainditu 4,07 metroko langa, eta bosgarren geratu da. Pertika jauziarekin jarraituz, gaizki aritu zen zapatuan Istar Dapena, seigarren postuan amaitu du-eta.
Jauzi hirukoitzari dagokionez, Arrasateko bi ordezkariak podiumetik kanpo geratu dira: Eneko Carrascalek laugarren egin zuen zapatuan 15,90 metroko jauzia egin ostean, eta Iñigo Uribarren bederatzigarren geratu zen, 14,68 metroko markarekin.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
