Kuturate Akustikoak jaialdiaren barruan Bilboko Amman and the Wayward Sons taldeak kontzertu ederra eskaini zuen atzo Arrasaten. Kulturateko areto nagusia ez zen goraino bete baina pandemia egoerako edukieraren hiru laurdenak bai bete zirela, bailara osoko musikazaleak erakarrita. Igartzen delako kultura gosea badagoela.
Amman and the Wayward Sons boskote gisa igo zen Kulturateko oholtzara: bateria, baxua eta hiru gitarra. Amerikako rock doinuak nagusi izan baziren ere, eskaini zituzten bestelako doinu batzuk: jazza, rock progresiboa eta psikodelia, besteak beste. Gaur, irailak 13, Maren musikariak itxiko du jaialdiko zikloa.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.