Berez denboraldiaurrean murgilduta egon beharko lukete atletek, uda sasoiko aire libreko denboraldia amaituta, txapelketa nagusiak jokatuta, eta poliki-poliki pista estaliko denboraldirako prestatzen. Baina ez, orain ari dira urteko hitzordu nagusiak jokatzen.
Joan den asteburuan jokatu dute, Vallehermoson (Madrid), Iberdrola Kopa –Espainiako Kluben Arteko Kopa–, eta pertikarekin Malen Ruiz de Azua (4,40) eta Istar Dapena (5,40) euren marka pertsonalen bueltan egon dira. Hala, bigarren sailkatu ziren biak. Beste horrenbeste egin zuen Eneko Carrascalek salto hirukoitzean, zilarra jantzi zuen (15,44), eta Iñigo Uribarrenek 4x100ekoan hartu zuen esku, Realarekin, zazpigarren sailkatuta. Hala, asteburuan Madrilen izango dira denak, Espainiako Txapelketa absolutuan.
Bestalde, Maialen Axpek joan den astean molestia batzuk tarteko atseden hartu zuen, baina asmoa du asteburuan Madrilen lehiatzeko.