Zera adierazi dute, ohar bidez, bekei buruz: "Udalaren jomuga erraztasunak ematea da arrasatearrei euskara ikasi dezaten, matrikularen ordainketa izan ez dadin oztopo bat euskara ikasteko. Aldi berean, Arrasatera etorri diren haur etorkinei laguntzak ematea (zehazki 5-16 urte arteko adina dutenei), integrazio normalizatuago bat izateko derrigorrezko hezkuntza arautuan".
Helduen euskalduntzean eta alfabetatzean diharduten euskaltegien laguntzetan eskatzaile bakarra izan da: Debagoieneko AEK. Hala, Udaleko Kultura eta Euskara Sailak erabaki du 21.740 euroko laguntza ematea, emandako ikastordu bakoitzeko, gehienez, 13,50 euro.
