Hiru astetan banatu dute Mondrak antolatutako campusa, eta, futbolaz gain, aste bakoitzean gai batean oinarritu dira. Lehen astean, natura eta ingurugiroa landu zuten. "Udalako Ingurumen Eskolara txangoa egin genuen eta aktibitate batzuk egin genituen", azaldu du Josu Zubiak, campuseko arduradunak.
Zubia Gipuzkoako Kirol Egokituko Federazioko teknikaria ere bada, eta, hain zuzen, hori izan da asteon landu duten gaia: kirol egokitua eta inklusiboa. "Sentsibilizazio saio bat egin dugu astean, eta bihar, egubakoitza, urritasuna duten hainbat haur gonbidatu ditugu, saio inklusiboak egiteko".
Datorren astean, azkenik, Gurutze Gorriarekin lehen sorospenak landuko dituzte. "Elikadurarekin lotutako beste aktibitate batzuk ere egingo ditugu".
Izena emateko aukera, irekita
Lehen astean, 75 ume aritu ziren; asteon, 68; eta datorren asterako, 40 umek eman dute izena. Oraindik, gainera, eman daiteke izena, mondrafutbolcampusa@gmail.com helbidera idatzita.