Uztailaren 17an, egubakoitza, bi emanaldi izango dira. Batetik, The Song taldea Euskal Herria plazan ariko da 19:00etatik aurrera –gonbidapenak 1990 Gastrotekan eskuratu daitezke–. Bestetik, Serious Business Taldeak herriko plazan eskainiko du kontzertua, 22:00etan –gonbidapenak Bar Zuk Nahin–.
Gainontzeko lau kontzertuak zapatuan izango dira. 13:00etan, Patakbra taldearen kontzertuaz gozatzeko aukera egongo da Izozkitegi inguruan. Gonbidapenak Izozkitegian bertan eta Lora tabernan jaso ahal izango dira. Bestalde, 19:30ean hasita, Broken Brothers Brass Band taldeak girotuko ditu herriko taldeak. Ondoren, 20:00etan, Iker Piris & his Dual Electras with Niko Wayne Toussaint ariko dira herriko plazan –gonbidapenak Itzala tabernan–. Azkenik, 22:00etan, Travelinn Brothers taldearen txanda izango da, hau ere plazan, eta Kajoi tabernan eskuratu ahal izango dira gonbidapenak. Taldeen gaineko informazio gehiago, hemen.
Bestalde, egubakoitzean zein zapatuan, tabernek jaialdiko garagardoa izango dute: ARRASATE BLUES 18/70. Berrikuntza gisa, gainera, Arrasate Blues jaialdiko kamisetak salgai jarriko dituzte.
Jaialdia Ibai-Artek antolatu du, Arrasateko Udalaren eta Eusko Jaurlaritzaren Turismo, Merkataritza eta Kontsumo Sailaren laguntzarekin.