Zapatu goizeko bost partidetan, ordezkari gipuzkoarrak eta nafarrak nagusitu ziren. Tornayk, lehen hiru partiduak irabazi zituen, nahiz eta laugarrenenean ezin izan zuen garaipena lortu. Arratsaldeko lehen partida ere, Tornayren aldekoa izan zen, Leire Vega garaituta. Hala, arrasatearrak txapelketa irabazteko aukerak izan zituen, baina baldintza Cecilia Perez donostiarra garaitzea edo berdintzea zen eta Tornayk galdu egin zuen. Porrot horrek asko eragin zion Arrasateko gazteari eta arratsaldeko hiru partidak galdu egin zituen, laugarren postuan geratuz.
Bulgariara
Arrasatearrak Bulgarian du hurrengo erronka uztailaren 12tik 19ra bitartean, Giorgi Tringov Nazioarteko xake irekian parte hartuko duelako. Bertan herrialde ezberdinetako 100 jokalaritik gora arituko dira. Tornay zerrendako 64. postuan hasiko da txapelketa hau eta helburua, postua hobetzea izango da.
