"Interesgarria iruditu zaigu Bastida Akademia modukoek egiten duten lana ezagutzea. Azken batean, zerbait argi baldin badago da ekonomia indartu egin behar dugula, lana sustatu behar dela horretarako eta horrelako akademiek, bai ziurtagiri profesionalari dagokionez eta bai lanbide heziketarekin zerikusia duten gauzei dagokienez, oso lan berezia egiten dute, pertsonen eta enpresen premietan oinarrituta", azaldu du Urrutiak.
Eskoriatzarrak gaineratu du hauteskunde hauek "bereziki inportanteak" direla, "gauden egoera kontuan hartuta eta lehendik heldu beharreko gai batzuei erreparatuta". Golpea handia izan dela onartu du. "Beraz, indarrez irten behar gara, herri perspektiba batekin, herri moduan, elkarrekin eta kohesioan oinarrituta".
Aurreikuspenen inguruan galdetuta, zera erantzun du: "Kanpaina txukun bat egin gura dugu, ikusi azken lau urteetan nola lan egin dugun, gure proiektuak aurkeztu eta herritarrak bozkatzera animatu. Momentu honetan segurtasun falta handia dago, eta guri dagokigu esperantza eta ziurtasuna transmititzea herritarrei".
