'Literaturaren emaitza Batxilergoko 2.mailan' proiektua
Maider Azkarraga-Urizar Arana, Maria Heriz Altuna eta Ainhoa Urzelai, Huheziko ikasleak dira eta euren lanak saria jaso du. Proiektuan, Batxilergoko 2. mailan, zehazki, Arizmendi Ikastolako Almen gunean, Euskara eta Literatura ikasgaian literaturak duen garrantzia ikertu dute. Horretarako, ikasleek erabiltzen duten materialari erreparatu zaie, eta ikasleei inkestak pasa zaizkie. Gainera, hezkuntza literarioan ematen diren hainbat hutsune eta horren arrazoiak identifikatu dituzte eta horiek gainditzeko proposamenak planteatu dituzte.
'Fase anitzeko ibilgailu elektriko baten kontrol estrategien diseinu eta balidazioa' proiektua
Unai Markina Goi Eskola Politeknikoko ikaslea da eta bere proiektua ere saritua izan da. Master bukaerako lan honetan 9 faseko Permanent Magnet Synchronous Machine (PMSM) baten kontrolak aztertzen, garatzen eta balidatzen dira. Ibilgailu elektrikoaren aplikazioan murgildurik, motor multifasikoek akatsei aurre egiteko dituzten gaitasunak erabiltzen dira fidagarritasun maila altuko fault-tolerant kontrol bat garatzeko.