San Juan bezperako ekitaldiak zuzenean eskainiko ditu Goienak

Mirari Altube Arrese 2020ko eka. 23a, 20:01

Ezohiko San Juan jaiak ospatuko dituzte aurten Arrasaten, eta gaurko, bezperako, ospakizunak ere ezingo dira ohiko moduan egin. Udalak ekitaldi sinbolikoa antolatu du herriko hainbat eragilerekin elkarlanean, eta hori, bertatik bertara, ikusterik izan ez arren Goiena telebistak eta Goiena.eus atariak etxeraino eroango diete herritarrei zuzeneko saioa eskainita. 21:30ean hasiko da saioa Herriko Plazatik, eta 22:30ean ekingo diote ekitaldi sinbolikoari.

Goienak egindako saio berezirako hainbat erreportaje ekoiztu dituzte, besteak beste, Txikitxu-Arrostaitz dantza taldearen urteurrena, Erraldoi eta Kilikien konpartsaren nondik norakoak, Arrasate Musikaleko Big Bandak eskainitako abestia eta artxiboko irudiei hautsa astinduta egindako atzera begiratua. Maria Ubarretxena alkatea eta AEDko ordezkari Itxaro Artola ere bertan izango dira; 21:30en izango da hori.

Bigarren zatia 22:30ean hasiko da, eta hor jasoko dira zuzenean egingo diren ekitaldiak: sua, Lore Gazteak eta Txikitxu-Arrostaitz taldeetako ordezkarien dantza, bertsolarien, txistularien eta trikitilarien saioak, Goikobalu abesbatzaren emanaldia eta beste hainbat kontu.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak