Garaia parke teknologikoak bultzatutako Pertsona Kudeaketa Berrikuntza deritzon hilabete honetan, pertsonen eta lantaldeen kudeaketaren esparruko hainbat gai jorratzen ari dira, jardunaldi ezberdinetan banatuta. Jardunaldiak gizarte osoari zuzenduta daude, baina bereziki, taldean lan egiten duten horiei.
Iñigo Garatxena, OSARTENeko Osasun eta Ongizate Arloko zuzendaria, izango da hurrengo jardunaldia gidatuko duen aditua. “Nola ekidin adikzioak erakundeetan” deritzon jardunaldia maiatzaren 26an eskeiniko du Garatxenak webinar bitartez eta bi orduko iraupena izango du (09:00etatik 11:00etara bitartean).
Garatxenak gidatutako jardunaldian egoeren azterketa kuantitatiboa eta kualitatiboa egingo da eta protokoloak aztertuko dira; esku hartzekoak, aitortze-detekziokoak, balioespen-deribazioa, tratamendua eta koordinazioa besteak beste. Bestalde, sentsibilizazioa eta informazioa landuko dira, Adizkioen Plana diseinatzearekin batera.
Jardunaldiaren helburu nagusia enpresak laneko substantzien kontsumoa ausardiaz bideratzea da, eta erakundeei Adikzioen aurkako plan bat garatzen laguntzea, honako hauek lortzen laguntzeko: absentismoa murriztea, pertsona kualifikatuen atxikipena, laneko giroa hobetzea, ezbehar-kopurua murriztea eta produktibitatea handitzea.
Azken jardunaldia, ekainean
Ekainaren 2an, Amaia Diaz de Monasteriogurenek gidatuko du azken jardunaldia eta lantokiko elikadura osasungarrirako gakoak izango ditu hizpide.
